ကိုယ့်ကုန်ပစ္စည်းအတွက် ကြော်ငြာခ များများ မသုံးသင့်ပါဘူး

ကြော်ငြာခများများသုံးရင် လူများများဆီရောက်မှာမို့ စီးပွားရေးတစ်ခုက ရပ်တည်ဖို့ လွယ်ကူတယ်လို့ ထင်တတ်ကြပါတယ်။

Customer တွေလည်း ကိုယ့်ကုန်ပစ္စည်းကို အလွယ်တကူ ဝယ်ယူသုံးစွဲကြမှာပဲလို့ ယူဆနေကြတာမို့ ကြော်ငြာခကို ရေလို သုံးဖို့ သင့်မှာလည်း အစီစဉ်ရှိထားလောက်ပါတယ်။

တကယ်တော့ ကြော်ငြာခများများသုံးပေမယ့်လည်း မအောင်မြင်ဘဲ ပြိုလဲသွားတဲ့ စီးပွားရေးတွေ များစွာရှိနေပါတယ်။

ဘာလို့လဲဆိုတော့ Customer တွေဟာ ကြော်ငြာကို ကြည့်ပြီး တခါတည်း မဝယ်ယူကြတော့ပါဘူး။ ကြော်ငြာနဲ့ဆိုင်ပြီး အသိအမြင် ဗဟုသုတများစွာနဲ့ အတွေ့အကြုံများစွာ ရှိနေလို့ ဖြစ်ပါတယ်။

အကောင်းဆုံး ကြော်ငြာဖန်တီးပေးနိုင်တဲ့ အဖွဲ့အစည်းကို ငှါးရမ်းပြီး လုပ်ပေမယ့်လည်း Customer တွေဟာ ကြော်ငြာတိုင်းကိုလည်း အယုံအကြည်မရှိကြတော့ပါဘူး။

ဒါကြောင့် ကြော်ငြာကို မယုံကြည်တော့တဲ့ Customer တွေများပြားနေတဲ့ ခေတ်ကြီးမှာ ကြော်ငြာခများများသုံးတဲ့ နည်းလမ်းကို မသုံးတော့ဘဲ ကိုယ့်ရဲ့ စီးပွားရေးကို ရည်ရှည်တည်တံ့အောင် လုပ်နိုင်တဲ့ နည်းလမ်းလေး ရှိပါတယ်။

အဲဒါကတော့ Zippos ကုမ္ပဏီကနေ လေ့လာသင်ယူခြင်း ဖြစ်ပါတယ်။

Zippos ကို တည်ထောင်တဲ့သူ Tony Hsieh ကိုယ်တိုင် ရေးသားထုတ်လုပ်ထားတဲ့ စာအုပ်မှာ ဒီလို ဖော်ပြထားပါတယ်။

သူဟာ ဘီလီယံနာတစ်ယောက်လည်း ဖြစ်နေပါပြီ။

သူတို့ ဝက်ဘ်ဆိုဒ်ကနေ ရောင်းနိုင်တဲ့ ဖိနပ်ရောင်းအားကတော့ တစ်နှစ်ကို အမေရိကန်ဒေါ်လာ တစ်ဘီလီယံ အထိ ရှိပါတယ်။

ပြီးတော့ Zippos ကနေ ဝယ်ဖူးသူတိုင်းက Zippos မှာပဲ ထပ်ဝယ်ချင်ကြပါတယ်။

ကြော်ငြာမသုံးဘဲ Customer တွေနဲ့ ဘယ်လို ချိတ်ဆက်နိုင်လဲဆိုတာကို အနည်းငယ် ဝေမျှချင်ပါတယ်။

Repeat Customer Strategy (Customer တွေ အကြိမ်ကြိမ် ပြန်လာချင်အောင် လုပ်တဲ့ နည်းဗျူဟာ)

ရှိပြီးသား Customer တွေကို အာရုံစိုက်ပြီး သူတို့အတွက် စိတ်ကျေနပ်အောင် လုပ်ပေးတာမျိုးပါ။ Zippos ကနေ ဝယ်ယူတိုင်း စိတ်ကျေနပ်ကြတာကြောင့် သူတို့က အခမဲ့ ကြော်ငြာပေးသူတွေ ဖြစ်လာပါတယ်။

ဒါကို Tony သိတော့ အဲဒီ ဗျူဟာကို ကောင်းကောင်း အသုံးချပါတယ်။

Tony ရဲ့ Customer တွေကို စိတ်ကျေနပ်အောင် လုပ်တဲ့ နည်းလမ်းကတော့ အွန်လိုင်းနဲ့ ဝယ်ယူဖူးသူတိုင်း ကြုံရလေ့ရှိတာက အချိန်ကြာတာမျိုး စတဲ့ ပြဿနာတွေကို တခြားနေရာတွေမှာ ကြုံရပေမယ့် Zippos မှာ ဝယ်ရင်တော့ ဒီလို ပြဿနာမျိုး မကြုံရလေအောင် သူက စွမ်းဆောင်နိုင်ခဲ့ပါတယ်။

ပစ္စည်းပို့ဆောင်ရေးမှာ အချိန်ကြာတတ်တာကို ဒီလို သူ ဖြေရှင်းလိုက်ပါတယ်။

Delivery မငှါးဘဲ သူတို့ကိုယ်တိုင် အမြန်ဆုံး လိုက်ပို့ဆောင်ပေးလိုက်တာမျိုးပါ။

ထပ်ပြီး အွန်လိုင်းကနေ ဖိနပ်ဝယ်ရင် ဆိုဒ် မတော်တာ သေးတာ၊ ကြီးတာ တွေကို Customer တွေ ကြုံတတ်တာမျိုးကိုဖြေရှင်းဖို့ သူ့ဆီမှာဝယ်ရင် Customer က ဖိနပ်ဆိုဒ် နံပါတ် ၃၈ ကို မှာရင် ဆိုဒ် နံပါတ် ၃၉ ကိုပါ ထည့်သယ်လာပေးပြီး နှစ်ခုလုံးကို စမ်းစီးခိုင်းတာမျိုး။ ပြီးမှ တော်တဲ့ ဖိနပ်ကို ဝယ်ယူခွင့်ပေးလိုက်ပါတယ်။ 

ဒီ့အပြင် အရောင်တွေကိုလည်း ကိုယ်မှာတဲ့ အရောင်အပြင် တခြားအရောင်တွေကိုပါ ယူလာပေးတာမျိုးတွေပါ။

စမ်းစီးကြည့်လို့ ညစ်ပတ်သွားရင်လည်း Customer ကို မလျော်ခိုင်းပါဘူး။ 

Customer တွေနဲ့ Zippos ကြားမှာ ယုံကြည်မှုနဲ့ ကျေနပ်မှုတွေကို ရရှိသွားကြပါတယ်။

ဒါကြောင့် Tony ဟာ ပိုက်ဆံများများကုန်ပြီး ကြော်ငြာတဲ့ နည်းလမ်းကို မှီခိုတာထက် အဲဒီလို Customer တွေကို ကျေနပ်နှစ်သိမ့်မှုတွေပေးရင် ယုံကြည်မှုတွေ အားကောင်းလာတာမို့ စီးပွားရေးဟာ ရေရှည်ရပ်တည်နိုင်ပြီး အောင်မြင်တဲ့ စီးပွားရေးဖြစ်လာမယ်ဆိုတာကို သူ ယုံကြည်ထားပါတယ်။

သူ့ရဲ့ ကြော်ကြားတဲ့ မှတ်ချက်ကတော့ "စားသုံးသူ (Customer) တွေဆိုတာ သင် ဘာလုပ်ခဲ့သလဲ၊ သင်ဘာတွေ ပြောခဲ့သလဲ ဆိုတာ သူတို့ မှတ်မိကြမှာ မဟုတ်ပါဘူး။ ဒါပေမယ့် သင်က သူတို့ကို ဘယ်လိုခံစားသွားစေလဲဆိုတာကိုတော့ အမြဲအမှတ်ရနေကြမှာပါ။ ဒါကသာ အဓိက အရေးကြီးဆုံးအချက်ဖြစ်ပါတယ်"

သူ့ရဲ့ နည်းလမ်းက တကယ့်ကို တန်ဖိုး ကြီးတဲ့ နည်းလမ်းကောင်းလေး ဖြစ်ပါတယ်

ကြော်ငြာခတွေ မကုန်တော့ဘဲ ကိုယ့်ရဲ့ Customer တွေကသာ အခမဲ့ ကြော်ငြာပေးသူတွေ ဖြစ်လာပါတယ်ဆိုတာကို Zippos ကုမ္ပဏီကနေလည်း လေ့လာပြီးပြီမို့ သင့်အနေနဲ့လည်း ကြော်ငြာခကို ရေလိုသုံးသင့်သလား (သို့မဟုတ်) Customer တွေကို စိတ်ကျေနပ်အောင်သာ အဓိက အာရုံစိုက်မလားဆိုတာကို သင် ရွေးချယ်သွားနိုင်ပြီလို့ ထင်ပါတယ်။

သင့်အတွက်လည်း အကျိုးရှိတယ်ဆိုရင်တော့ အခြားသူတွေလည်း သိအောင် ဝေမျှပေးလိုက်ပါ။