အသက်ကြီးသွားလို့ အောင်မြင်မှုမရနိုင်တော့ဘူးဆိုတာ မှန်လို့လား

ငယ်ရွယ်တဲ့ အသက်အရွယ်မှာ မအောင်မြင်တိုင်း ကိုယ်က အောင်မြင်မှုကို ဘယ်တော့မှ မရတော့ဘူးလို့ မတွေးလိုက်ပါနဲ့ဦး။ 

နောက်ကျမှ အောင်မြင်သူတွေလည်း များစွာ ရှိပါတယ်။ သူတို့ကို Late Bloomers (နောက်ကျမှ ဖူးပွင့်တဲ့သူတွေ) လို့ ခေါ်ဆိုထားပါတယ်။

တော်တော်များများကတော့ မိမိကိုယ်ကို Late Bloomers တစ်ယောက်အနေနဲ့ မမြင်နိုင်တော့ဘဲ အသက်ရွယ်ကြီးရင့်သွားလို့ ပုံမှန်လစာလေးအတိုင်းနဲ့ အသက်ရှင်သွားပါတော့မယ်လို့ ဆုံးဖြတ်ထားတတ်ကြပါတယ်။ 

ဒီလို လက်လျှော့မှု ဖြစ်စေတာကတော့ ငယ်ငယ်ရွယ်ရွယ်နဲ့ အောင်မြင်မှုရသွားတဲ့ သူတွေကိုပဲ အာရုံစိုက်နေလို့ ဖြစ်ပါတယ်။

Justin Bieber ဟာ အသက် ၂၀ မပြည့်ခင်ကနေ ကမ္ဘာမှာ ကျော်ကြားသွားပြီး မီလီယံတစ်ယောက်နီးပါး အောင်မြင်မှုရပြီး ချမ်းသာကြွယ်၀သွားပါတယ်။

နောက်တစ်ယောက်ကတော့ Facebook ကို တည်ထောင်သူ ဇူးကာဘတ် ဖြစ်ပါတယ်။ သူကတော့ အသက် ၃၀ မပြည့်ခင်ကတည်းကနေ အောင်မြင်မှု ကြီးကြီးမားမား ရခဲ့သူဖြစ်ပြီး သူ့ရဲ့ ချမ်းသာကြွယ်၀မှုကတော့ တိုင်းတာလို့တောင် မရလောက်တဲ့ထိကို ပိုင်ဆိုင်ထားပါတယ်။

သူတို့တွေကို ကြည့်ပြီး ကိုယ်ကလည်း သူတို့ရဲ့ အသက်အရွယ်မှာ မအောင်မြင်ခဲ့ဘူးဆိုရင်တော့ ဘယ်တော့မှ အောင်မြင်မှာ မဟုတ်တော့ဘူး နောက်ကျသွားပြီလို့ တွေးနေမိရင်တော့ သင့်ကိုယ်သင် ရှုမြင်ပုံကို ပြောင်းလဲပစ်ဖို့ လိုအပ်နေပါပြီ။

KFC ကြက်ကြော်ဆိုင်ကို တည်ထောင်သူ Colonel Sanders ကို ကြည့်ပါ။ သူ့ရဲ့ အသက် ၆၀ ကျော်မှ မီလီယံနာ စဖြစ်လာပါတယ်။ နောက်ပိုင်းမှာတော့ ဘီလီယံနာ တစ်ယောက် ဖြစ်လာပါတယ်။ သူလည်း ငယ်ငယ်ရွယ်ရွယ်နဲ့ ဘီလီယံနာ ဖြစ်တဲ့သူ မဟုတ်ခဲ့ပါဘူး။ သူလည်း ငယ်ရွယ်စဉ်မှာ မိဘထောက်ပံ့မှု အပြည့်အ၀မရတာရယ်ကြောင့် သူများတွေလို ဘ၀ပေးအခြေအနေ မကောင်းခဲ့ပါဘူး။ သာမာန်မိသားစုကနေ ဆင်းသက်လာပြီး အသက်ကြီးရင့်လာတဲ့ထိ လက်လျှော့အရှုံးမပေးဘဲ ဆက်လက် ကြိုးစားခဲ့တာကြောင့် သူလည်း နောက်ကျမှု ဖူးပွင့်လာတဲ့ Late Bloomers ထဲက တစ်ယောက် ဖြစ်ခဲ့ပါတယ်။ 

Donald Fisher ဆိုရင်လည်း အသက် ၄၀ လောက်မှ စပြီး Gap ဆိုတဲ့ ဆိုင်လေးကို စတင် ဖွင့်လှစ်ခဲ့ပါတယ်။

သူလည်း အဲဒီ အသက် ၄၀ နောက်ပိုင်းမှ အောင်မြင်မှုကို ရရှိခဲ့သူပါ။ ခုဆိုရင် သူ့ရဲ့ Gap ဖက်ရှင်ဆိုင်ကတော့ လူသိများတဲ့ နာမည်ကျော် တံဆိပ်တစ်ခုအနေနဲ့ ပါဝင်နေပါပြီ။

Late Bloomers တွေက ဒီလူနှစ်ယောက်ထဲ မဟုတ်ပါဘူး။ 

အမေရိကလို နိုင်ငံမျိုးမှာပဲ ရှိနိုင်တာမဟုတ်ဘဲ ကျန်တဲ့ နိုင်ငံတိုင်းလိုလိုမှာလည်း ရှိနေသေးပါတယ်။

သင်ကိုယ်တိုင်လည်း အင်တာနက်မှာ ဆက်လက်လေ့လာသွားနိုင်ပါတယ်။

သင်လည်း အသက်အရွယ်ကြီးရင့်နေသူ ဖြစ်နေလည်း Late Bloomers တစ်ယောက် ဖြစ်နေနိုင်သေးတယ်ဆိုတာကို မြင်မိပြီလို့ ထင်ပါတယ်။

ဆက်လက်ကြိုးစားပါ။ အိပ်မက်တွေကို အကောင်အထည်ဖော်ဖို့ စတင်လိုက်ပါ။